सेवानिवृत्त सिनेयंत्रचालक लतीफ यांना

कार्यालयाच्यावतीने भावपूर्ण निरोप 

नांदेड दि. 31 – जिल्हा माहिती कार्यालयातील  सिनेयंत्रचालक महमंद लतीफ  हे आज  31 मे 2016 रोजी  नियत  वयोमानानुसार शासकीय सेवेतून सेवानिवृत्त झाले. सेवानिवृत्ती निमित्ताने जिल्हा माहिती अधिकारी दिलीप गवळी यांनी पुष्पगुच्छ व भेट वस्तू देवून त्यांना भावपूर्ण निरोप दिला.  

           

यावेळी  जिल्हा  माहिती  कार्यालयातील  छायाचित्रकार  विजय होकर्णे, लिपीक सौ. अलका पाटील, के. आर. आरेवार, वाहन चालक  एस. जी. सुर्यवंशी, अंगली बालनरस्या, सी. पी. आराध्ये, नरेश हुगे हे उपस्थित होते.  

आदिवासी  समाजासाठी असलेल्या  विविध  शासनाच्या योजना  श्री. लतीफ यांनी  त्यांच्या सेवेच्या काळात किनवट  सारख्या आदिवासी बहुल भागात  चित्रपटाद्वारे  दाखवून त्याची प्रभावीपणे प्रचार आणि प्रसिद्धीचे काम केल्याने त्या परिसरात ते लोकप्रिय होते. सेवेच्या काळात सर्वांशी सहकार्याच्या भुमिकेतून त्यांनी काम केले आहे, असे सांगून श्री. गवळी  यांनी  श्री. लतीफ यांना त्यांच्या पुढील  काळासाठी  शुभेच्छा दिल्या.

यावेळी सिनेयंत्रचालक श्री. लतीफ यांनी आपल्या मनोगतात भावना व्यक्त  करताना  सेवाकाळात सर्व अधिकारी व कर्मचाऱ्यांनी  केलेल्या सहकार्यातून मी 35 वर्षे शासकीय सेवा चांगली करु शकलो. तसेच  आपल्या सेवेच्या  गतकाळातील अनुभव आणि आठवणीला उजाळाही त्यांनी दिला.  

याप्रसंगी श्री. होकर्णे, सौ. अलका पाटील, श्री. आरेवार, श्री. नरस्या यांनी आपल्या मनोगतात  श्री. लतीफ यांना पुढील आयुष्य सुखी, समृद्धी आणि आरोग्यदायी जावो अशा शुभेच्छा यावेळी दिल्या.

0000000