नांदेड
दि. 2 - शेतकऱ्यांना स्वत:च्या मालकी हक्काचे
कृषि यंत्रसामुग्री, औजारे खरेदी
करण्यास प्रोत्साहन देण्याच्या उद्देशाने
कृषि यांत्रिकीरण उपअभियान
नांदेड जिल्ह्यात राबविण्यात येत
असून त्यासाठी शेतकरी, ग्रामीण उद्योजक, शेतकऱ्यांचे गट, कृषि विज्ञान
केंद्र यांनी प्रस्ताव दाखल करावे, असे आवाहन
जिल्हा अधिक्षक कृषि अधिकारी
नांदेड यांनी केले आहे.
या उपअभियानांतर्गत शेतकऱ्यांना त्यांच्या गरजेनुसार व मागणीप्रमाणे
शासनाने निवड केलेल्या उत्पादकांची
उत्पादने उपलब्ध करून देण्यात
येणार आहेत. या औजारांचे
दर शासनाने निश्चित केले
आहेत. या उपअभियानांतर्गत शेतकऱ्यांना
ट्रॅक्टर, पावर टिलर, रिपर, नांगर, कल्टीवेटर, रोटावेटर, रिझर, पेरणी यंत्र, पाचटकुट्टी
यंत्र, कडबाकुट्टी यंत्र इत्यादी औजारे अनुदानावर
घेता येतील. ट्रॅक्टरसाठी अनुसूचित
जाती, जमाती, अल्प, अत्यल्प भुधारक शेतकरी, महिला शेतकरी
यांना किंमतीच्या 35 टक्के किंवा
जास्तीत जास्त 1 लाख ते 1 लाख
25 हजार व इतर
शेतकऱ्यांना किंमतीच्या 25 टक्के किंवा
जास्तीत जास्त 75 हजार ते 1 लाख
अनुदान देय आहे. कृषि
औजारासाठी अनुसूचित जाती , जमाती, अल्प, अत्यल्प भुधारक
शेतकरी, महिला शेतकरी यांना किंमतीच्या
50 टक्के व इतर शेतकऱ्यांना
किंमतीच्या 40 टक्के अनुदान देण्यात
येणार आहे. जास्तीत जास्त
अनुदानाचे दर औजार निहाय वेगवेगळे
आहेत. ज्या शेतकऱ्यांना औजारे, ट्रॅक्टर
हवी आहेत त्यांनी तालुका
कृषि अधिकारी यांच्याकडे सातबारा, आठ अ व जातीच्या
दाखल्यासह अर्ज करावा. लक्षांकाच्या
मर्यादेत “प्रथम
प्राप्त प्रथम प्राधान्य” या तत्वावर
शेतकऱ्याची निवड आर्थिक लक्ष
समोर ठेवून केली जाणार
आहे. जिल्हा स्तरीय निवड
समितीने मंजूर केलेल्या यादीतील
शेतकऱ्यांना निवड केलेल्या औजारांची
पूर्ण किंमत महाराष्ट्र कृषि
उद्योग विकास महामंडळ नांदेड
यांच्याकडे भरल्यानंतरच औजाराचा
पुरवठा होणार आहे व नंतर
अनुदानाची रक्कम शेतक-यांच्या बँक
खाती जमा केली जाणार
आहे.
भाडेतत्वावर कृषि
यांत्रिकीरण सेवेसाठी कृषि औजारे
बँक स्थापन करण्यासाठीही
अनुदान दिले
जाणार आहे. यासाठी एकूण 10 लाखाचे
औजारे घ्यावे लागतील व त्यासाठी 4 लाखाचे
अनुदान दिले जाणार आहे.
प्रगतशील शेतकरी, ग्रामीण उद्योजक, शेतकऱ्यांचे
गट,
कृषि विज्ञान केंद्र यांना
या योजनेचा लाभ घेता
येईल, असे जिल्हा अधिक्षक कृषि अधिकारी
नांदेड यांनी कळविले आहे.
000000000
कोणत्याही टिप्पण्‍या नाहीत:
टिप्पणी पोस्ट करा